Presentamos unha serie de mesas e un teito deseñados para Villa Pilar.

O teito para o salón de eventos ten o obxectivo de resolver a acústica e a iluminación en distintas situacións de uso. Deséñase como un xogo de caixas con tapas móbiles, como as caixas de madeira de botellas de viño, pero colocadas ao revés, de forma que nos permiten abrir ou pechar as tapas regulando a luz e a acústica. As caixas poden estar abertas total ou parcialmente, tamén pechadas, deixando pasar máis ou menos luz, ou ningunha.

Sobre o chan deseñamos unhas mesas con paus de escoba que suxeitan unhas caixas, tamén con tapas móbiles, pero de cores. Poden ter distinta altura e funcionan como mesas ou expositores. Poden estar soas ou en grupo e compoñer moitas formas xeométricas.