A parcela, de proporcións alongadas, cae cunha forte pendente cara á ruta da Pedra e a Auga, na base da fraga da Armenteira.

Tres muros fíncanse no terreo abrindo un gran suco de acceso á vivenda. A casa entérrase a nivel da cota de acceso desde a estrada. As cubertas vexetais recuperan o espazo vexetal que ocupa a construción. A parcela segue tendo a mesma superficie verde. Cara a vía de acceso a casa é introvertida e desaparece, como un tobo. Cara ao bosque a casa é extrovertida e os seus habitantes viven inmersos na natureza, como un niño.

A estratexia do proxecto aprovéitase das características do terreo, do seu pendente, das súas árbores, da súa orientación. Ao enterrar a casa, a súa cuberta axardinada proporciónanos un colchón térmico, fresca no verán, quente no inverno. E sobre as cubertas seguimos facendo uso da propia parcela. Unhas mínimas varandas delimitan de forma orgánica o espazo transitable e protexido. Fóra das varandas a vexetación ocupará o resto da cuberta.