Esta antiga xoia do románico formou parte dun mosteiro benedictino fundado no século X, de onde provén o nome da parroquia, Mosteiro. A construción da capela data do século XII, posiblemente do ano 1150 como reza unha inscrición no arco triunfal.

As distintas actuacións contempladas no proxecto de rehabilitación limítanse ás obras ou traballos necesarios para asegurar a conservación do conxunto e a reparación daquelas partes que puidesen deteriorarse co paso do tempo.