O edificio rehabilitado para centro social é unha antiga casa escola de planta baixa con forma de “L”, pero con dous niveis e varios accesos. Está situada en Monteporreiro, nunha parcela con forte pendente, entre a rúa Campos e a nova vía inferior.

O proxecto parte da premisa de conservar a memoria histórica da sinxela edificación e poñela en valor para novos usos de carácter social, de forma que algúns antigos alumnos da escola #gozar agora dun novo uso nun edificio renovado.

A estratexia foi restaurar a edificación mantendo a súa tipoloxía e procurando que se recoñeza a antiga escola, pero redefinindo as fachadas e os seus espazos perimetrais, que agora ofrecen unha nova lectura da edificación. Interiormente proxéctanse espazos moi flexibles que facilitan que poidan acoller distintas actividades en función das necesidades de cada momento. Exteriormente, a antiga escola vai acompañada de diferentes espazos de lecer onde se poden realizar eventos ao aire libre e que potencian o novo uso como centro social.