Villa Pilar, unha casa indiana construída en 1905 en Pontevedra. Xa pasou máis dun século e agora, na era da domótica e as comunicacións, tócanos rehabilitar os espazos entre o respecto e os coñecementos actuais, tal como fixese o indiano. Liberamos o espazo procurando a máxima amplitude e cun funcionamento circular ao redor da caixa de escaleiras. As fachadas tamén se liberan de particións. A simetría da planta permite destinar un á para a xestión e traballo das distintas actividades. Outra das ás para salón de actos cunha utilización moi flexible que se adapta ás distintas situacións de uso. O eixo marcado polas escaleiras separa o espazo principal de entrada que funciona como recepción, do espazo máis reservado do conxunto, que funciona como unha sala de xuntas e galería, tamén moi flexibles no seu uso.